Verðskrá

Þú bókar sölurými í 7, 14, 21 eða 28 daga með því að smella hér. Eftir bókun færð þú sendan tölvupóst með upplýsingum um það hvernig þú skráir þig inn á “Lottan mín”, þá getur þú byrjað að skrá inn þínar söluvörur inn í sölukerfið.
Það má byrja að setja inn vörur um leið og þú hefur bókað og virkjað þinn aðgang á Lottan mín.

Það getur verið gott að kynna sér skilmála Lottunnar ef eitthvað er óljóst áður en bóka á sölurými, þú finnur þá hér

Þegar þú hefur skráð þig inn á “Lottan mín” skráir þú þær vörur sem þú vilt selja og verðleggur þær. 

Við mælum með að gera þetta í símanum og það þarf ekki að vera búið að taka myndir áður, gerir það jafnóðum og þú setur vörur inn

Til að skrá inn nýja vörur ferðu undir “vörur” og ýta á “bæta við vöru” á Lottan mín

Þar skráir þú inn allar þær upplýsingar sem er beðið um en þær eru:
Vöruheiti: þar skráir þú inn greinagóða lýsingu á vörunni eins og “Hvít Farmers Market Peysa” eða “Svartir Salomon utanvegahlaupaskór”
Bókun: Þar velur þú viðeigandi bókun, t.d. rými 39, ath ef þú ert bara með eitt sölurými kemur sjálfkrafa inn nýjasta eða næsta bókun
Flokkur: Þar velur þú í hvaða flokk varan á að birtast t.d. peysa eða skór, það er mikilvægt að velja flokk til að auðvelda vöruleit á vefnum okkar
Stærð: Þar er nóg að skrifa bókstaf eða tölu t.d. L eða 40, mælum með að setja inn stærð það einfaldar viðskiptavinum vöruleit á vefnum
Magn: Þar setur þú inn tölustaf eftir fjölda af vörum t.d. 1 ef þetta er bara ein peysa. Gott að vita af þessu ef t.d. þú ert að selja 5 stk Lindex náttgalla í sömu stærð, getur þú bara tekið mynd af öllum 5 saman og sett inn stærðina og svo 5 undir magn og þá sparar þú tíma og vinnu.
Verð: Verðlagning á vöru vefst oft fyrir fólki og við mælum með að skoða t.d. vörur sem eru í sölu hér á lottan.is til að fá hugmyndir. Undir verð eru bara skráðar tölur, engar kommur eða slíkt, t.d. 2000
Merki: Þarna velur þú hvort vara er t.d. konu, karla, unisex eða barna, mikilvægt fyrir vefverslun
Mynd: Síðast en ekki síst er það að taka mynd og það gerir þú bara í gegnum síðuna, þarft ekki að vera búin að taka myndir áður.

Mikilvægt að setja inn mynd af vöru til að hún birtist á vefnum okkar "Vörur í Lottunni". Vörur sem eru ekki með mynd birtast ekki á lottan.is

Varðandi fjölda af vörum, þá mælum við með að byrja með 30-50 vörur fer aðeins eftir stærð og gerð af vörum, en það er gott að byrja bara á að setja inn það sem þú ætlar að hengja upp í byrjun svo bara kemur þú og bætir við eftir þörfum, það má alltaf koma og bæta við á opnunartíma.

Þetta er mjög einfalt og fljótlegt!

Til að auka líkur á sölu er gott að taka fallegar myndir af því sem þú ert með til sölu. Það eykur líkur á að einstaklingar búsettir fjarri verslun geti verslað t.d. í gegnum símgreiðslu. Við hvetjum ykkur einnig til að vera dugleg að deila ykkar söluvörum á "Facebook hóp Lottunnar" eða á öðrum sölusíðum sem eiga við.

Þið finnið okkur líka á "Instagram" og hvetjum við ykkur til að deila myndum af ykkar sölurými og vörum, tagga okkur @lottanakureyri, það eykur líkur á sölu til muna, við erum einnig virk að deila vörum í "story" á @lottanakureyri á Instagram og Facebook daglega

Þú mætir í verslun okkar, Lottuna í Kaupangi, Akureyri til að setja upp sölurýmið þitt. Það er í boði að mæta virka daga frá 17:30 -18:00 daginn áður en leigutímabil hefst, eða frá 11:00 - 12:00 á upphafsdegi leigutímabils.

Við bjóðum ekki upp á tiltekin opnunartíma til uppsetningar á sölurými á laugardögum, ef leigutímabilið þitt hefst á laugardegi kemur þú til okkar á föstudegi, daginn áður milli 17:30 og 18:00.
Ef þú kemst ekki á föstudegi þá ertu líka velkomin á opnunartíma milli 12 og 17 á laugardögum

Ef þessar tímasetningar henta ekki hafðu samband á lottan@lottan.is eða á samfélagsmiðlum @lottanakureyri og við finnum lausn saman.

Þegar þú mætir til okkar afhendum við þér herðatré, merkibyssu, merkispjöld, strikamerki og þjófavarnir. Þú merkir svo söluvörurnar þínar og setur þær fallega upp í þínu sölurými, starfsmaður er á staðnum til að aðstoða og leiðbeina við uppsetningu.

Á meðan sölutímabilinu stendur fylgist þú með gangi sölunnar undir “sala” á “Lottan mín” svæðinu þínu. Þar uppfærast nýjustu sölutölur úr þínu sölurými.

Ef þú vilt gefa afslátt á vörum í sölurými meðan á leigutímabilinu stendur þarf að hafa samband við verslun, best að hafa samband við okkur í gegnum gegnum facebooksíðu okkar eða á netfangið lottan@lottan.is og við munum græja það fyrir þig. Vð erum með 25%, 30%, 40% og 50% afsláttarmiða til merkingar í verslun Lottunnar. Þú þarft ekkert að gera sjálf þegar kemur að afslætti, vöruverð uppfærist sjálfkrafa í sölukerfinu okkar. ATH að ef afsláttur er settur á rými fara allar vörur í rými á afslætti.

Ef þú vilt ekki setja ákveðnar vörur á afslátt getur þú fjarlægt þær úr sölu áður en þú virkjar afsláttinn eða hækkað vöruverð svo að þú fáir það sem þú vilt fyrir vöruna með afslætti.

Breytingar á verði á einstaka vörum í sölurými meðan á leigutímabili stendur. Það er gert inn á “Lottan mín” undir “vörur”, þar veluru vöruna og breytir verði. Ef þú breytir verði á vöru þarf að koma hið fyrsta í verslun og fá nýjan merkimiða til að setja á vöruna. Verð vöru uppfærist strax í sölukerfinu og því selst varan samkvæmt því.

Í lok leigutímabils, á síðasta söludegi, kemur þú að ganga frá sölurýminu og sækja vörur. Sé síðasti söludagur á virkum degi kemur þú klukkan 17:00 en klukkan 16:00 á laugardögum.

Mikilvægt er að allir sem koma að tæma sölurými gefi sig fram við starfsmann í afgreiðslu áður en farið er inn að tæma rýmið, sem og áður en yfirgefið er verslun með vörur. 

Klippa þarf af öll merkispjöld þar sem að við notum þau aftur og einnig þarf að fjarlægja þjófavarnir af vörum sem og skila herðatrjám fyrir kl 17:30 á virkum dögum eða 16:30 á laugardögum.

Hægt er að fá starfsfólk Lottunnar til að tæma sölurými fyrir leigjanda gegn 3000kr gjaldi en semja þarf um slíkt fyrir fram. Starfsfólk hefur rétt á að ganga úr skugga um að allar vörur sem eru teknar niður séu réttar og í eigu leigutaka, starfsfólk getur óskað eftir að leigutaki sýni skilríki.

Ef vörur eru ekki fjarlægðar fyrir lokun verslunnar síðasta söludag leigutímabils, er rukkað 5000 kr þjónustugjald fyrir það að taka niður vörur og pakka þeim. Rukkað er 1000kr á dag í geymslugjald þegar vörur eru ekki sóttar. Vörur sem ekki eru sóttar innan viku verða eign Lottunnar.

Söluhagnaður er greiddur út innan tveggja virkra daga eftir að vörur hafa verið sóttar, athugið að ekki er greiddur út söluhagnaður fyrr en vörur hafa verið sóttar í verslun.