Vörur í Lottunni

Þú bókar sölurými í 7, 14, 21 eða 28 daga með því að smella hér. Eftir bókun færð þú sendan tölvupóst með upplýsingum um það hvernig þú skráir þig inn á “Lottan mín”, þar sem þú getur skráð vörur inn í sölukerfið.

Þegar þú hefur skráð þig inn á “Lottan mín” skráir þú þær vörur sem þú vilt selja og verðleggur þær. 

Þú gerir það með því að fara í “vörur” og ýta á “bæta við vöru”

Þar skráir þú inn greinagóða lýsingu á vörunni eins og “Hvít Farmers Market Peysa” eða “Svartir Salomon utanvegahlaupaskór”, stærð, sölurýmisnúmer og verðleggur vöruna.

Mikilvægt að setja inn mynd af vöru til að hún birtist á vefnum okkar "Vörur í Lottunni".

Þú mætir í verslun okkar, Lottuna í Kaupangi, Akureyri til að setja upp sölurýmið þitt. Það er í boði að mæta virka daga frá 17:30 -18:00 daginn áður en leigutímabil hefst, eða frá 11:00 - 12:00 á upphafsdegi leigutímabils.

Við bjóðum ekki upp á uppsetningu á sölurými á laugardögum, ef leigutímabilið þitt hefst á laugardegi kemur þú til okkar á föstudegi, daginn áður milli 17:30 og 18:00.

Ef þessar tímasetningar henta ekki hafðu samband á lottan@lottan.is eða á samfélagsmiðlum @lottanakureyri og við finnum lausn saman.

Þegar þú mætir til okkar afhendum við þér herðatré, merkibyssu, merkispjöld, strikamerki og þjófavarnir. Þú merkir svo söluvörurnar þínar og setur þær fallega upp í þínu sölurými, starfsmaður er á staðnum til að aðstoða og leiðbeina við uppsetningu.

Til að auka líkur á sölu er gott að taka fallegar myndir af því sem þú ert með til sölu. Það eykur líkur á að einstaklingar búsettir fjarri verslun geti verslað t.d. í gegnum símgreiðslu. Við hvetjum ykkur einnig til að vera dugleg að deila ykkar söluvörum á "Facebook hóp Lottunnar"

Þið finnið okkur líka á "Instagram" og hvetjum við ykkur til að deila myndum af ykkar sölurými og vörum, tagga okkur @lottanakureyri, það eykur líkur á sölu til muna.

Á meðan sölutímabilinu stendur fylgist þú með gangi sölunnar undir “sala” á “Lottan mín” svæðinu þínu. Þar uppfærast nýjustu sölutölur úr þínu sölurými.

Hægt er að gera verðbreytingar á vörum í sölurými meðan á leigutímabili stendur. Það er gert inn á “Lottan mín” undir “vörur”, þar veluru vöruna og breytir verði. Ef þú breytir verði á vöru þarf að koma hið fyrsta í verslun og fá nýjan merkimiða til að setja á vöruna. Verð vöru uppfærist strax í sölukerfinu og því selst varan selst samkvæmt því.

Ef þú vilt gefa afslátt á vörum í sölurými meðan á leigutímabilinu er þarf að hafa samband við verslun, best að hafa samband við okkur í gegnum gegnum facebooksíðu okkar eða á netfangið lottan@lottan.is og við munum græja það fyrir þig. Vð erum með 25%, 30%, 40% og 50% afsláttarmiða til merkingar í verslun Lottunnar.

Ef þú vilt ekki setja ákveðnar vörur á afslátt getur þú fjarlægt þær úr sölu áður en þú virkjar afsláttinn.

Í lok leigutímabils, á síðasta söludegi, kemur þú að ganga frá sölurýminu og sækja vörur. Sé síðasti söludagur á virkum degi kemur þú klukkan 17:00 en klukkan 16:00 á laugardögum.

Mikilvægt er að allir sem koma að tæma sölurými gefi sig fram við starfsmann í afgreiðslu áður en farið er inn að tæma rýmið, sem og áður en yfirgefið er verslun með vörur. 

Hreinsa þarf merkispjöld og þjófavarnir af vörum sem og skila herðatrjám fyrir kl 18:00 á virkum dögum eða 17:00 á laugardögum.

Hægt er að fá starfsfólk Lottunnar til að tæma sölurými fyrir leigjanda gegn 3000kr gjaldi en semja þarf um slíkt fyrir fram. Starfsfólk hefur rétt á að ganga úr skugga um að allar vörur sem eru teknar niður séu réttar og í eigu leigutaka, starfsfólk getur óskað eftir að leigutaki sýni skilríki.

Ef vörur eru ekki fjarlægðar fyrir lokun verslunnar síðasta söludag leigutímabils, er rukkað 5000 kr þjónustugjald fyrir það að taka niður vörur og pakka þeim. Rukkað er 1000kr á dag í geymslugjald þegar vörur eru ekki sóttar. Vörur sem ekki eru sóttar innan viku verða eign Lottunnar.

Söluhagnaður er ekki greiddur út fyrr en vörur hafa verið sóttar.